• स्थानीय तह सहिद स्मृति राष्ट्रिय फुटबल प्रतियोगिता–२०७७ को उपाधि त्रिभुवन आर्मी क्लबको हातमा

    ७ चैत्र २०७७, शनिबार

    हेटौँडामा शनिबार भएको स्थानीय तह सहिद स्मृति राष्ट्रिय फुटबल प्रतियोगिता–२०७७ को तेस्रो संस्करणको उपाधि त्रिभुवन आर्मी क्लबले हात पारेको छ । फरेष्ट्री खेल मैदानमा भएको फाइनल खेलमा घरेलु टोली मकवानपुर–११ लाई एक गोल गर्दै आर्मीले उपाधि कब्जा गरेको हो ।

    पहिलो हाफको ३८ औं मिनेटमा त्रिभुवन आर्मी क्लवका जर्सी नम्बर २७ का टेक बहादुर बुढाथोकीले गरे । उनले गरेको गोलनै उपाधिका लागि निर्णायक बन्यो ।आयोजक क्लब मकवानपुर–११ ले खेलमा गोल गर्न पाएको थुप्रै मौका गुमाउदै उपविजेतामा चित्त बुझाउनु पर्यो ।

    खेलको दोस्रो हाफमा घरेलु टोलि रिगल हेटौंडा रिसोर्ट मकवानपुर ११ ले उत्कृष्ट खेल प्रदर्शन गरेपनि गोल भने गर्न सकेन ।

    प्रतियोगिताको विजेता त्रिभुवन आर्मी क्लबले नगद १० लाख रुपैँया सहित रनिङ शिल प्राप्त गरेको छ भने उपविजेता मकवानपुर–११ ले नगद ५ लाख रुपैँया रनिङ शिल्ड प्राप्त गरेका छन् ।खेलको म्यान अफ दी म्याच आर्मीका टेक बहादुर बुढाथोकी घोषित भए । उनले नगद दशहजार रुपैँया प्राप्त गरे ।

    फेसबुक प्रतिक्रिया